సీతాకోక చిలుక

(Picture: Courtesy of Google Images)

రంగు రంగుల రెక్కలతో

సింగారంగా ఎగిరే

సీతాకోక చిలుకా...నీ పూర్వ

స్థితేమిటో గుర్తుందా?

ఆకు అలము తింటూ,

ఆ పంచా ఆ పంచా చేరితే,

అడ్డమైనవాడు నిన్ను చూచి,

అసహ్యించుకున్నాడానాడు...!

మానాభిమానా లున్నదానివి గనుకనే

మంచం పట్టేవు కొన్నాళ్ళు...!

చచ్చావో ఉన్నావో తెలిసికొనేందుకైనా,

వచ్చి చూచిన పాపాన పోలేదు ఒక్కడూ...!

సహించి పరీక్షకై నిలిచావు గనుకనే,

సహాయం చేశాడు నీకు భగవానుడు...

ఆకర్షనీయమైన స్థితి వచ్చినప్పుడు

ఆహ్వానాలకేం లోటింకిప్పుడు...?

"అందాల రాణి" అని బిరుదిస్తారు మక

రందం వద్దన్నా అందిస్తారు...!

లోకం తీరు గ్రహించు-దానికి

లోబడక స్వేచ్ఛగా ప్రవర్తించు...!!

(1960 దశకంలో వ్రాసిన కవిత)