(Picture: Courtesy of Google Images)
ఉ|| నేనొక రైతుబిడ్డను; పునీత, ఫలప్రదయైన తెల్గు మా
గాణము నాది; కావున సగర్వముగా నిరతాన్నదాతనై
దీనుల బ్రోతు ... నా భరత దేశమె కాదు సమస్త ధారుణీ
మానవులెల్ల నాకు నభిమానులు, మిత్రులు, నిష్టబంధువుల్
ఉ|| నేనొక రైతుబిడ్డను; వినిర్మల ధర్మ పథానువర్తినై,
మానవ జీవితమ్మున సమస్తము సత్యము, సుందరం, శివం
బేనని...జాతి, వర్గ, కుల భేదము లెన్నక విశ్వశాంతి సం
ధానము సేయుటొక్కటె ప్రధానమటం చెలుగెత్తి చాటెదన్
ఉ|| నేనొక రైతుబిడ్డను; వినీత మనస్కుడ; తెల్గుతల్లి సం
స్థానమునన్ కవీశ్వరుడ; సాత్త్విక తాత్త్విక భావవాహినిన్
స్నానము చేసి, నవ్యమృదు శబ్దసుమమ్ముల పద్యమాలికల్
పూనికగూర్చి, మాతృపద పూజనొనర్చి కృతార్ధునయ్యెదన్
No comments:
Post a Comment